2017-07-08

خطوات التحويل من مسار انترناشيونال الى المسار المصرى

تم آخر تحديث بتاريخ 03-أغسطس-2021

تم تحديث بمشاركة القراء و تعديل اجراءات حجز موعد لتصديقات الخارجية السعودية عن طريق الانترنت بدلا من المكاتب المصرح لها.

تم تحديث بتاريخ 26-يونيو-2020

طبقا لظروف انتشار كورونا تقرر عدم عمل اختبار تحديد مستوى و التعويض بالاجابة من المنزل.

تم نشر القرار على صفحة المكتب الثقافي المصري بالرياضرابط الخبر )

تم تحديث بتاريخ 25-يونيو-2018


قد تتخذ قرار تحويل الاولاد من مسار الانترناشيونال الى المسار المصري، البوست لا يناقش اسباب اتخاذ القرار و لكن يهتم بالخطوات.
مسار الانترناشيونال: يقصد به نظام التعليم الأمريكى SAT او البريطانى IGCSE
المسار المصرى: يقصد به:
  1. مدارس منهج مصرى فى جمهورية مصر العربية (عربى او لغات).
  2. مدارس تدرس المنهج المصرى (عربى او لغات) خارج جمهورية مصر العربية و عادة يطلق عليها مدارس المسار المصرى.
  3. امتحانات السفارة و يعرف بنظام ابناؤنا فى الخارج: الطالب يذاكر فى المنزل و يمتحن فى سفارة مصر فى الدولة القاطن بها.
مصادر و روابط هامة:
الموقع الالكترونى فيسبوك تويتر
مركز معلومات وزارة التربية و التعليم أهم جروب رسمي على الفيسبوك مباشرة مع الوزارة و توجد به الاشعارات و التنبيهات و الامتحانات
منتدى ابناؤنا فى الخارج - نسبة تفاعل عالية
البوابة الالكترونية للكتاب المصرى رابط فيسبوك لا توجد تحديثات كثيرة رابط تويتر لا توجد تحديثات كثيرة
رابط امتحانات سابقة باجابتها
ابناؤنا فى الخارج رابط فيسبوك هام جدا
المكتب الثقافى المصرى بالرياض
تليفون: 966114023929
966114034113
رابط الأخبار  هام
كتب دراسية المناهج الدراسية
توزيع المناهج الدراسية
المسار المصرى بالمملكة العربية السعودية رابط فيسبوك هام جدا لوجود امتحانات سابقة
المسار المصرى موقع ام مصرية (اهم المواقع المجمعة جروبات و اسئلة لجميع الصفوف) رابط


الخطوات كالتالى:
  1. سحب الأوراق من المدرسة الحالية بعد طلب من المدرسة بتصديق اخر شهادة من وزارة التربية و التعليم فى المملكة ادارة التعليم الأجنبى او الأهلى، ستقبل المدرسة طلب السحب فى الحالات التالية:
    1. تأشيرة خروج نهائى من المملكة.
    2. تأشيرة خروج و عودة 9 شهور أو أكثر.
    3. خطاب من المركز الثقافى المصري لو هتدرس سفارة (ابناؤنا فى الخارج).
    4. اذا كنت هتحول مدارس مسار مصرى فى المملكة تجيب شهادة قبول من المدرسة اللى ناوى تحول عليها و اكيد و انت بتاخد الشهادة هيقولك لازم ينجح الطالب فى امتحان تحديد المستوى عشان يقبل و اكيد هتدفع مقدم لحجز مقعد السنة القادمة. الشهادة دى مهمة عشان مدرسة الانترناشيونال الحالية لازم تنقل الطالب الى المدرسة الجديدة فى نظام نور الخاص بالمدارس فى السعودية.

  2. توثيق اخر شهادة دراسية للطالب (اخر شهادة فقط، لا يتطلب توثيق جميع الشهادات) ، توثق الشهادة من جهات مختلفة و ترتيبها كالتالى:
    1. التوثيق من الجهات السعودية:
      1. لو انت متواجد فى السعودية: وزارة الخارجية السعودية.
        1. ملئ طلب تصديق من الانترنت من خلال (الرابط)، تحدد فيه عدد الشهادات المراد تصديقها (آخر شهادة لكل طفل).
        2. تصلك رسالة على الجوال لسداد الرسوم "تم تسجيل طلب تصديق برقم (*****). الرجاء تسديد الرسوم لفاتورة رقم:(******) عن طريق السداد الالكترونى لحساب وزارة الخارجية برقم 101".
        3. من نفس الرابط ، اختار خدمة "حجز موعد جديد" لزيارة فرع و ختم التصديقات.
        4. يتم السداد من اي البنوك عن طريق القنوات البديلة كالجوال أو الانترنت البنكي، يجب ان يتم السداد بعد حجز الموعد بفترة لا تتجاوز 3 ساعات.
        5. التوجه الى الفرع فى الميعاد المحدد (خريطة)، سوف يتم اخذ جهاز الجوال فمن المستحسن كتابة رقم التصديق على ورقة قبل الدخول.تأخذ رقم انتظار لخدمة تصديق شهادات تعليمية (شبابيك من 10-16). بداية الدوام فى رمضان من الساعة 9 صباحا، التصديق عبارة عن طابع و ختم على آخر شهادة دراسية أتمها الطالب.
      2. لو انت متواجد فى مصر: الملحق الثقافى السعودى فى مصر او القنصلية السعودية فى مصر، التعامل بيكون عن طريق المكاتب المصرح لها بالتعامل معهم.
    2. التوثيق من الجهات المصرية:
      1. لو متواجد فى السعودية: المكتب الثقافي المصري بالرياض (خريطة) يتم دفع 35 ريال سعودى قيمة التوثيق للشهادة عن طريق الشبكة السعودية بداخل المكتب لا يقبل الكاش ،ثم القنصلية المصرية المصرية بالمملكة العربية السعودية (خريطة) يتم دفع مبلغ 85 ريال سعودى كاش قيمة التوثيق.
      2. لو متواجد فى مصر: الخارجية المصرية، من اى مكتب فى انحاء الجمهورية (ختم النسر) (رابط للمكاتب).

  3. حجز و اتمام اختبار تحديد المستوى.
    1. للأسف: اختبار تحديد المستوى يكون فى جميع المواد شامل التربية الدينية و التربية الوطنية و يشمل منهج السنة كامل للسنة التى تم الطالب دراستها.
    2. لو هتمتحن فى مصر: يتم التنسيق مع الادارة التعليمية التابعة لسكنك و التوجه لقسم الوافدين اللي بيحولوك على مدرسة تابعة للحي السكني حيث يتم تحديد ميعاد الامتحان.
    3. لو هتمتحن خارج مصر: الامتحان يكون هو امتحان الدور الثانى فى السفارة و عادة يكون فى شهر يوليو و يظهر عادة جدول الامتحانات فى شهر مايو او يونيو (تابع صفحة فيسبوك "ابناؤنا في الخارج بالادارة العامة للامتحانات - مصر") و يتم حجز الامتحان و الأوراق المطلوبة كالتالى:
      1. صورة من اقامة الوالد.
      2. عدد 2 صورة شخصية حديثة للطالب.
      3. صورة من شهادة ميلاد الطالب رقم قومى.
      4. الشهادات الدولية للأعوام السابقة بعد تصديق اخر شهادة (يتم اخذ اخر شهادة مصدقة فى الملف فى المكتب الثقافي).
      5. ملئ استمارة تقديم لامتحان تحديد مستوى و اقرار يملأوا يدويا من المكتب الثقافي المصري.

      6. دفع مبلغ 1000 ريال سعودى تودع فى حساب المركز الثقافى المصرى فى بنك سامبا رقم 2001766149 (ايصال من الفرع و لا يقبل التحويل الالكترونى). يمكن الدفع عن طريق كارت شبكة سعودية بزيادة 8 ريال سعودي (مقابل رسوم البنك)  فى المركز الثقافي مباشرة بدلا من الذهاب الى البنك (المبلغ يكون 1008 ريال سعودى).
      7. الاختبار يكون بحضور الطالب فى مواعيد الامتحانات و اداء الاختبار فى المركز الثقافي المصري.
      8. عادة نتيجة الاختبار بعد شهر من الامتحان لأن الورق يرسل الى مصر ثم تظهر النتيجة فى المكتب الثقافى المصري.

  4. اتمام عملية الالتحاق بالمدرسة الجديدة بعد أخذ شهادة نجاح اختبار تحديد المستوى.

لو حد عنده تفاصيل اكثر موثقة يذكرها فى التعليقات و سأقوم ان شاء الله بتحديث مستمر للبوست للافادة.

هناك 92 تعليقًا:

Unknown يقول... [Reply] , [رد]

استاذ اشرف

ربنا يباركلك على كل مجهودك فى المعلومات الموضحة بس فى استفسار بعد اذنك

فى حالة تحويل من الانترناشونال الى نظام ابناؤنا فى الخارج

كيف سيتم سحب الملف من المدرسة اكيد فى حالة عدم توفر تأشيرة خروج نهائى او تأشيرة خروج لمدة 9 شهور ولا فى تححويل لمدرسة مسار مصرى ساعتها ايه الحل او الطريقة

انا ابنى فى رابعة ابتدائى انترناشيونال و سيتم التحويل ان شأ الله العام القادم انااسف لو اطلت عليك بس انا مش عارف اجهز نفسى ازاى بالظبط

Ashraf Fouad يقول... [Reply] , [رد]

@motaz shehata

السلام عليكم،
الرد موجود فى النقطة 1 ثم 3

Waleed Omar يقول... [Reply] , [رد]

السلام عليكم
لو بسحب الورق عشان اعمل المعادلة في مصر والتأشيرة 3 شهور
المدرسة هل هتطلب طلب معادلة بيجي من السفارة صح ؟

Ashraf Fouad يقول... [Reply] , [رد]

@Waleed Omar

تأشيرة ايه؟

لو امتحان المعادلة او تحديد المستوى فى مصر و الطالب هيكمل فى مصر لازم الورق يتصدق من هنا الأول و الملحق الثقافي السعودي

Unknown يقول... [Reply] , [رد]

السلام عليكم انا ابني في مدرسه انترناشنال 2 ابتائي وهحوله مدرسه خاصه في مصر واخدت الشهاده من المدرسه متوثقه من الاداراه التعليميه في السعوديه اه المطلوب بعد كدا اني اعمله لك جزيل الشكر مما قدمته من مجهود

Unknown يقول... [Reply] , [رد]

السلام عليكم ورحمه الله

هل عند عمل المعادله في مصر يشترط السن للمعادله او علي حسب السن تتم عمل المعادله وليس شهاده اخر سنه

Unknown يقول... [Reply] , [رد]

لوسمحت هو ينفع احول من مسار مصرى فى السعوديه الى مدرسه تجريبي فى مصر بس يكون فى النص السنه الدراسيه ..يعنى لو لقدر الله حصل معانا ظروف واضطرنا ننزل فى نص السنه احول لاولادى عادى ولا ايه::؛ أرجو الرد ضرورى

Unknown يقول... [Reply] , [رد]

اليي عمل المعادله في مصر يقولي تكلفتها كم ، تقريبا

Unknown يقول... [Reply] , [رد]

السلام عليكم لظروف العمل تم انهاء عقدى ونقلت كفالة ومحتاج اقدم للاولاد مسار مصرى هحول من انترناشونال ومعملتش امتحان تحديد مستوى لعدم علمى به ماذا افعل وهل هناك مشكلة اذا تم قبولهم من مدير مدرسة المسار المصرى

Ashraf Fouad يقول... [Reply] , [رد]

@Unknown

امتحان تحديد مستوى اجباري للتحويل، السنة اللي فاتت اعتقد السفارة عملت امتحان تاني فى شهر 10 مش عارف السنة دي هيعملوا ولا لأ

عشان تتأكد و تلاقي حل للمشكلة اعتقد احسن حاجة كلم المركز الثقافي المصري و اسألهم، الناس متعاونة جدا، ده الرابط بتاعهم

http://www.ecbrsa.edu.eg/Main_menu/Contact_us/Contact_us.jsp

Unknown يقول... [Reply] , [رد]

السلام عليكم.
انا ابنى هيخلص ان شاء الله كىجى 2 فى السعودية مدرسة انترناشيونال و ادخلة مدرسة خاصة بمصر. الاجراءات ان اسحب الشهادة واوثقها فى الخارحية السعودية وفى مصر اوثقها خارجية مصرية . هل انا فاهم صح ولا فى اجراءات تانية. وشكرا

Ashraf Fouad يقول... [Reply] , [رد]

@Unknown

و عليكم السلام و رحمة الله و بركاته
اعتقد حضانة مفيش معادلة و لكن عشان تبقى متأكد ابعت سؤالك على فيسبوك بتاع مركز معلومات وزارة التربية و التعليم، بيرودا بسرعة و من المصدر الموثوق

Unknown يقول... [Reply] , [رد]

السلام عليكم لو سمحت انا عملت المعادله للصف الثالث ولكن المدرسه لم تضع درجة الانجلش o. L فالشهاده وتم مراجعتها من الادارة وختمها السؤال هل ممكن المكتب الثقافي يعترض عليها

Ashraf Fouad يقول... [Reply] , [رد]

@Unknown

الشهادة بتكون فيها التقدير النهائى بدون تفاصيل (ناجح - راسب).

اعتقد تسأل فى المكتب احسن

Unknown يقول... [Reply] , [رد]

ابنتى فى الصف الثانى الاعدادى. نحجت والحمد لله هى. ماهى الخطوات المطلوبه للتحويل للمسار المصرى هى تعليم بربطانى

Ashraf Fouad يقول... [Reply] , [رد]

@Unknown

التفاصيل موجودة بالبوست مع العلم ان فيه امتحان استثنائي فى السفارة شهر اكتوبر للراغبين فى التحويل

http://www.ecbrsa.edu.eg/news/news_details.jsp?con_seq=8397

aymanramadan يقول... [Reply] , [رد]


أستاذن أشرف السلام عليكم...من فضلك ابنتى درست فى المملكه الصف الاول والثانى الابتدائى..وثقت شهاداتها من الخارجية السعوديه والخارجية المصرية وتوجهت للمدرسة فى مصر فرفض التسجيل لان نوعد التسجيل للمغتربين لم يبدأ...فسافرت بسبب ظروف شغلى والبنت اخدتها معى عشان الاقامة والان انا هنزلها نهائى لمصر بتاريخ 05/12/2018 اى قبل موعد الامتحانات باكثر من شهر؟ ورقها كله موثق وجاهز على التقديم....والسؤال هو " هل هناك اى مشكله فى تسجيل ابنتى فى مدرسة ابتدائى فى مصر من تاريخ 05/12/2018؟ شكرا جزيلا

Ashraf Fouad يقول... [Reply] , [رد]

@Ayman Ramadan

حضرتم ممكن تبعت استفسارك الى الجروب الرسمي للادارة العامة فى مصر و بيجاوبوا بسرعة ان شاء الله

https://www.facebook.com/groups/OurSonsAbroaByExams/

Unknown يقول... [Reply] , [رد]

السلام عليكم
انا ابني عنده توحد و كان في مراكز خاصة في السعودية و لم يسجل في اي مدرسة هناك و انا حاليا نزلت مصر نهائي و عايزة اسجله في مدرسة امريكان لأن منهجها اسهل و مناسبة لحالته هو في تاريخ اول أكتوبر حيتم سبع سنين و سبع شهور و خمستاشر يوم
اتصرف ازاي

Ashraf Fouad يقول... [Reply] , [رد]

@Unknown

ربنا يبارك فى ابنك و بالتوفيق ان شاء الله

أنا معنديش معلومة اكيدة بخصوص الحالة دي، بس اللي الناس بتعمله و خصوصا انك نزلت خلاص انك تختار مجموعة من المدارس اللى هتقدم فيها هتلاقى مدارس فتحت التقديم و قفلت و مدارس تانية هتفتح التقديم بعد ما نتيجة السنة دي تظهر يعنى شهر مايو اللي جاي و تسألهم على الاجراءات و الأوراق المطلوبة.

Unknown يقول... [Reply] , [رد]

السلام عليكم
من فضلك يا أستاذ أشرف لو لسه حاضرين الي السعوديه ومعي ولد وبنت توأم 3سنين عايزاهم يدرسوا منهج مصري عشان لو حصل اي ظروف ورجعنا مصر نقدم في اي مدرسه تبع السفاره والمصارف كام وهيدخلوا تمهيدي ع كام سنه بالظبط
..شكرا

Ashraf Fouad يقول... [Reply] , [رد]

@Unknown

https://yaschools.com/blog/1320-2

بالنسبة لسؤال العمر لقبول التمهيدي الرجا الاتصال ب المكتب الثقافى المصري و هم عندهم اخر تحديث

وائل حسين يقول... [Reply] , [رد]

لو هحول من أولى ابتدائي إنترناشيونال بالسعوديه الي تانيه ابتدايي مسار مصري بالسعوديه ايه الإجراءات لو هتمتحن معادله بمصر

Ashraf Fouad يقول... [Reply] , [رد]

@وائل حسين

اعتقد مفيش امتحان ، و الاجراءات اسهل الرجا الاتصال بالمكتب الثقافي المصري

Amr يقول... [Reply] , [رد]

هل شهادة بيان النجاح من مصر للتحويل المسار المصرى بالسعودية لازم توثق من الملحق الثقافي السعودى بمصر ولى السفارة السعودية تكفى

Ashraf Fouad يقول... [Reply] , [رد]

@Amr

لا اعتقد ( انا لم اتعرض للاجراء ) و لكن دي شهادة مصرية مطلوبة للمدرسة فقط و لا تقدم للسلطات السعودية.

Unknown يقول... [Reply] , [رد]

السلام عليكم
استاذ اشرف انا بمشيئة الرحمن هقدم لابنى فى الصف الاول الابتدائي انترناشيونال بس عندى شوية استفسارات أمل من حضرتك توضيحها لى اكون شاكر لحضرتك
١- هل الافضل الانترناشوينال او المسار المصرى لغات
٢-فى حالة نزولنا مصر فى اى وقت قبل انتهاء العام الدراسى ماهى الاجراءات المتبعة
٣-مع هى المعادلة التى يجريها الطالب عند نزوله مصر
شاكر لحضرتك

Ashraf Fouad يقول... [Reply] , [رد]

@Unknown

1- مفيش اجابة قاطعة فى الموضوع ده، بالنسبة لى المسار المصري مع الاولاد اللى عايزين يخشوا هندسة احسن من الأمريكى و الانجليزي، و عندي بنت ملهاش فى الدراسة قوي خليتها فى الانترناشيونال عشان اسهل.

2- لا أعرف.

3- المعادلة هي امتحان تحديد المستوى الذي يجب على الطالب تأديته فى حالة التحويل من انترناشيونال الى مصري.

Unknown يقول... [Reply] , [رد]

لا انا مش هسآل :)) ، انا داخل اشكرك بس علي المجهود ده وربنا يجعله في ميزان حسناتك

Ashraf Fouad يقول... [Reply] , [رد]

@Unknown

شكرا جزيلا

Unknown يقول... [Reply] , [رد]

من فضلك هل يمكن نمتحن اختبار تحديد المستوي بالمركز الثقافي بعد ميعاده لاني ماكنتش اعرف الميعاد والا كده خلاص ماينفعش

Ashraf Fouad يقول... [Reply] , [رد]

@Unknown

الامتحانات تكون فى ميعاد الدور الثاني فقط لجميع الطلبة و لا يمكن ادائها على حدة.

عادة بيعملوا امتحان تاني فى شهر اكتوبر، كلمهم و اسأل (اتعمل فى السنتين الماضيتين)

أحمد جمال يقول... [Reply] , [رد]

أستاذ اشرف الله يباركلك على مجهودك .. أنا بحول جريد1 من انترناشيونال الى مسار مصري
و عملت التعديل بمصر بموجب شهادة من المدرسة بس بدون اي اختام و اخدت ورقة بيان درجات و مذكور فيها انه ناجح و منقول للصف الثاني للعام /2019-2020 و صدفتها شؤون طلبة و خارجية و كلشي ..
لما جيت اسجل بالملحق قاللي تمام بس محتاجين شهادة الصف الاول و المدرسة بترفض تعطيني ياها بدون خروج نهائي و قاللي دا الاجراء الوحيد المقبول .
هل ممكن رابط تواصل لأي مدرسة مسار مصري معتمدة تعطيني الخطاب المذكور ببند1-4 ؟ لأنو المدرسة اللي بسجلو فيها قالو ما منعطي خطابات

Ashraf Fouad يقول... [Reply] , [رد]

انا سجلت الاولاد عندي فى المدرسة الابتكارية فى الرياض https://maps.app.goo.gl/4Qp4G7gpMS7WHxWdA

مكتوب انها اهلية بس فيها مسار مصري

Unknown يقول... [Reply] , [رد]

انا مصري في المرحله الثانويه اريد ان ااخذ المرحله الثانويه من المدارس المصريه الموجوده في السعوديه... السؤال انا هنزل الدوله بشأن ان خالتي تعمل بالسعوديه هتبعتلي زياره او استقدام هل ده ينفع ولا لازم والدي هو اللي لازم يكون موجود في الدوله

Unknown يقول... [Reply] , [رد]

وي لو ينفع خالتي هي اللي تبعتلي انا اما اجي امتحن همتحن في السفاره ازي نظام الامتحانات وي النتيجه اللي انا هجيبه هعمل معادله علشان اخش الجامعه في مصر ولا النتايج اللي هجبه هخش بيه

Ashraf Fouad يقول... [Reply] , [رد]

@Unknown
اسف معنديش معلومة مفيدة بخصوص الموضوع ده

Unknown يقول... [Reply] , [رد]

السلام عليكم ورحمة الله وبركاته بو سمحت سؤالي عايزه انقل ابني من انترناشونال لمسار مصري الترم التاني ايه المطلوب؟

Ashraf Fouad يقول... [Reply] , [رد]

@Unknown
لا أدري اذا كان ممكن او لا
ممكن تتصلي بالمركز الثقافى المصري يمكن عندهم اجراءات الموضوع ده

Unknown يقول... [Reply] , [رد]

طيب بعد اذن حضرتك ابني هيحول من لغات خاصه بمصر لمسار مصري بالسعوديه وهو حاليا ٣ ابتدائي . ايه الاوراق المطلوبه والشروط بعد اذنك

Ashraf Fouad يقول... [Reply] , [رد]

@Unknown
حضرتك انا مش عارف الحالة بالظبط، بس ان شاء الله مفيش مشكلة لأن ده نفس المنهج، عموما انا رأيي تكلم المركز الثقافي المصري اللي ارقامه موجودة فى البوست و تسأل على التفاصيل لأن دول احسن ناس يدلوك

Unknown يقول... [Reply] , [رد]

جزاكم الله خيرا
بعد إذن حضرتك لو هنقل أولادي من انترناشيونال لمنهج مصري بمصر
بالنسبة لاختبار المستوى ممكن يختبروه بالسعودية ولا لازم بمصر؟

Ashraf Fouad يقول... [Reply] , [رد]

@Unknown

اجابة حضرتك مفصلة فى الخطوة 3 ، النقطة 3 فى المقال.

غير معرف يقول... [Reply] , [رد]

الف شكر لحضرتك... بجد ربنا يبارك فيك ويحفظك...

طارق ابراهيم يقول... [Reply] , [رد]

هل هالحق امتحن اولادى تحديد مستوى لانهم هايحولو من انترناشيونال الى ابناؤنا فى الخارج ومن اين احصل على الكتب اللى يذاكرو منها واسعارها ايه . مع خالص الشكر لحضرتك

Ashraf Fouad يقول... [Reply] , [رد]

@طارق ابراهيم

ان شاء الله تلحق، كلم المركز الثقافي عشان تعرف الاخبار ايه السنة دي فى الظروف اللي احنا فيها.

الكتب ممكن تجيبها مستعملة من الجروبات اكتب انت عايز انهي سنة و هتلاقي ناس تديهالك ببلاش، او ممكن تجيبها من مكتبات الكتب المصرية لو انت فى الرياض فيه مكتبة سلاح التلميذ
https://goo.gl/maps/Ub7W7C6M3MaArt5Q6

Unknown يقول... [Reply] , [رد]

انا يمني مقيم في السعودية ولدي طفلين يدرسون في مدارس انترناشيونال وارغب بنقله الى (المسار المصري) او ما يسمى ناشينوال، يحيث تكون معظم المواد باللغة الانجليزية، ارجو منكم الرد علي هل يقبل التحويل مباشرة من انترناشيونال الى ناشيونال من خلال المكتب الثفافي المصري في الرياض، ام يلزم ان تكون شهادتهم من مدرسة حكوميه حتى يتم القبول... وشكرا

Ashraf Fouad يقول... [Reply] , [رد]

@Unknown
اخي اليمني العزيز بصراحة لا اعلم تفاصيل حالتك، رأيي الشخصي اتصل بالمركز الثقافي المصري و هيقدورا يساعدوك ان شاء الله.

Unknown يقول... [Reply] , [رد]

سلام عليكم إذا سمحت ابنتي حصلت على الشهادة الإعدادي منهج سعودي ان شاء الله بننزل مصر متاح قبولها ثانوي عام بمصر والإجراءات المطلوبة بارك الله فيكم

Ashraf Fouad يقول... [Reply] , [رد]

@Unknown

حضرتك ممكن تكلم المركز الثقافى المصري يعرفوا يقولوا التفاصيل

Unknown يقول... [Reply] , [رد]

هل يوجد معادلة للتحويل من انترناشيونال للسفارة رابعة ابتدائى لغات

Ashraf Fouad يقول... [Reply] , [رد]

@Unknown

ايوة بس فيه تسهيل نزل من يومين مش هيبقلى فيه امتحان بس فيه حاجة تانية عشان ظروف كورونا، كلم المركز الثقافي المصري و اعرف التفاصيل

Unknown يقول... [Reply] , [رد]

متى موعد تقديم الملف الخاص بتحديد المستوى وكيفيه الحصول عليه وشكرا مقدما

Ashraf Fouad يقول... [Reply] , [رد]

@Unknown

عادة الامتحان فى شهر 7 الحالي مع امتحانات الدور الثاني، و لكن سمعت السنة دي مش هيتعمل عشان ظروف كورونا، لذلك الرجا اسأل المكتب الثقافى المصري على الاجراءات فى هذه السنة

Unknown يقول... [Reply] , [رد]

السلام عليكم .لو سمحتى انا ابنى اخد الصف الاول فى مسار مصرى عربى وعايزة احوله للمسار لغات هل امتحان المعادله يتطبق عليه برضه وهل هيمتحن فى كل المواد ولا مواد اللغات فقط

Unknown يقول... [Reply] , [رد]

السلام عليكم معذرة لو سمحت لو انا عملت كل خطوات التحويل من انترناشونال للتجريبي للسفارة لكن حصل ظروف ونزلنافي بداية شهر واحد مصر ولم نظل في السعودية لشهر 4 لأداء الاختبار هل هناك حل في كيفية الاختبار

Ashraf Fouad يقول... [Reply] , [رد]

@Unknown

الرجا مكالمة المكتب الثقافي المصري على التليفون و الاستفسار

Ashraf Fouad يقول... [Reply] , [رد]

@Unknown

اعتقد كده لازم تسأل فى الادارة التعليمية فى مصر

Unknown يقول... [Reply] , [رد]

لو سمحت انا اولادى فى انترناشيونال فى السعوديه هل ينفع احولهم دلوقتى السفاره او المسار ولا الوقت عدى

Ashraf Fouad يقول... [Reply] , [رد]

@Unknown

اعتقد ينفع، كلمهم فى المركز الثقافي المصري و هيبلغوك بالتفاصيل

kewan يقول... [Reply] , [رد]

السلام عليكم .. ازاي انقل بنتي من انترناشونال لسفارة هيه رايحه جراد وان

Ashraf Fouad يقول... [Reply] , [رد]

@kewan

موضوعك سهل مش محتاج معادلة اصلا، اتصل بالمركز الثقافي و هيقولك على الاجراءات

Unknown يقول... [Reply] , [رد]

لو سمحت هوا التعليم بالسفاره فى منه عربى ولغات ولا عربى بس وينفع انقل منه لمدارس خاصه لغات لو نزلت مصر

Ashraf Fouad يقول... [Reply] , [رد]

@Unknown

تعليم السفارة زي المنازل انت بتحدد المنهج و بتيجي على الامتحان. اعتقد فيه الاثنين عشان امتحانات السفارة فيها العربي و اللغات.

طبعا ينفع تنقل مدارس خاصة ده هوا المنهج المصري بالظبط

as2032138 يقول... [Reply] , [رد]

السلام عليكم
بعد اذنك يا استاذ اشرف
انا هنقل ولادي من انتر ناشونال لسفارة
جريد ٤ و ٧ و ٨ ان شاء الله
وثقت اخر شهادة من وزارة خارجية
اخدت موعد في السفارة لتوثيق الشهادات وهروح من الخبر للرياض
هل المفروض اوثقها من المكتب الثقافي الاول قبل القنصلية
ام العكس اوثقها من القنصلية وبعدين من المكتب

السؤال التاني هل لازم اوثق التسلسل الدراسي كمان
ولا يكفي اخر شهادة دراسية

Ashraf Fouad يقول... [Reply] , [رد]

@as2032138

اخي الكريم، المكتب الثقافي الاول ثم القنصلية

توثيق اخر شهادة فقط

Unknown يقول... [Reply] , [رد]

بنتي رايحة جريد ٣ ومحتاج انقلها من انترناشيونال الي سفارة.
ما هي الاجراءات اللي محتاج اعملها
اول خجوة اروح المدرسة عشان اوثق اخر شهادة؟ ولا الاول اروح المركز الثقافي المصري اخد خطاب عشان اسلمه واسحب الملف؟
وهل تم تحديد موعد لتحديد المستوي ام لا؟
جزاك الله خيرا @ashraf fouad

as2032138 يقول... [Reply] , [رد]

متشكر لحضرتك جدا
انهاردة نزلت اختبارات متعددة التخصصات لتحديد المستوي
المفروض احمل اي سنة
بنتي منقولة للصف الرابع انترناشونال
احمل ملف الصف الثالث ام الرابع
شكرا جزيلا

Unknown يقول... [Reply] , [رد]

انا اودلاي في انترناشيونال رايحين G8و G6 و G4هل في امكانية الان احول لهم في نظام أبناؤنا بالخارج منهج مصري لغات وهل سوف يتم عمل اختبارات تحديد مستوي

Unknown يقول... [Reply] , [رد]

انا اودلاي في انترناشيونال رايحين G8و G6 و G4هل في امكانية الان احول لهم في نظام أبناؤنا بالخارج منهج مصري لغات وهل سوف يتم عمل اختبارات تحديد مستوي

Ashraf Fouad يقول... [Reply] , [رد]

@as2032138

تحديد المستوى بيكون لأخر شهادة حصلت عليها ، فى حالتك الصف الثالث

Ashraf Fouad يقول... [Reply] , [رد]

@Unknown

فى امكانية بس الحق حالك عشان بادى متأخر

https://www.facebook.com/125695151454471/posts/600278673996114

Unknown يقول... [Reply] , [رد]

السلام عليكم
اولادي بمدرسه دوليه
عايز احولهم يدرسوا سفاره
سمعت ان طلبات التحويل هذا الاسبوع ولكن شهادات الاولاد تجهز بعد وتحتاج وقت للتوثيق
هل يمكن التقديم بدون الشهاده باي طريقه حتى تجهز الشهادات

Ashraf Fouad يقول... [Reply] , [رد]

@Unknown

التوثيق يبدأ من اواخر ايام الدراسة من مايو الماضي. عموما معظم المدارس بتقبل الطلبة و ممكن استكمال باقى الورق المهم الاتفاق مع المدرسة

Unknown يقول... [Reply] , [رد]

السلام عليكم لو سمحت هل ينفع التحويل من G10 مدارس انترناشونال إلى ناشونال وما هو ما المطلوب

Unknown يقول... [Reply] , [رد]

من فضلك إيه م وات التحويل ممن مدارس مسار مصرى للمدرسه ف مصر ؟

Unknown يقول... [Reply] , [رد]

السلام عليكم ممكن أعرف إيه خطوات التحويل من مدارس مسار مصرى ف السعوديه للمدرسه فى مصر ابتدائى 4و6

Ashraf Fouad يقول... [Reply] , [رد]

@Unknown

مش عارف مع النظام الجديد ينفع ولا لأ، اعتقد مكالمة المكتب الثقافي المصري احسن تصرف

Ashraf Fouad يقول... [Reply] , [رد]

@Unknown

تبدأ الاجراءات قبل نهاية العام الدراسي لأن لازم تبلغ المدرسة عشان تبدأ مرحلة توثيق الورق

Ashraf Fouad يقول... [Reply] , [رد]

@Unknown

الخطوات بالتفصيل بالبوست

Unknown يقول... [Reply] , [رد]

لوسمحت انا بدي سجل ابني بس مشعارفه املي الاستمارة ياريت لوفي استمارة ك مثال بس وشكرا

Unknown يقول... [Reply] , [رد]

ابني صف اول سوري الجنسية بالسعوديه كيف املي الاسمارة لوسمحت وشكرا

Java/Mac Time يقول... [Reply] , [رد]

هل ينفع اوثق من الخارجية السعودية هنا وبعدها من الخارجية المصرية بمصر؟ والا لازم موضوع السفارة المصرية هنا لو وثقت من الخرجية السعودية؟

Ashraf Fouad يقول... [Reply] , [رد]

@Java/Mac Time

توثق من المكتب الثقافي المصري لازم عشان ده بيوثق على السعودية بعد كده الخارجية عندك اختيارين فى البوست

Unknown يقول... [Reply] , [رد]

شكرا جزيلا استاذ اشرف جزاك الله كل خير

Unknown يقول... [Reply] , [رد]

لو سمحت ايه الفرق بين المسار المصري والسفارة وهل المسار المصري ليه مدارس معينه في مصر ولا يدخل مدارس ايه

shady aboushaara يقول... [Reply] , [رد]

موقع وزار الخارجية
خدمة تصديق الشهادات
https://www.mofa.gov.sa/EServ/CitizenAndResidence/Attestation/Pages/fillform.aspx
تحدد فيها عدد الشهادات المراد تصديقها
تصلك رسالة كالتالى لسداد الرسوم
تم تسجيل طلب تصديق برقم (205487829219). الرجاء تسديد الرسوم لفاتورة رقم:(82120311089707) عن طريق السداد الالكترونى لحساب وزارة الخارجية برقم 101
ثم من نفس موقع الخارجية
اختارى خدمة حجز موعد لزيارة الفرع ومن ثمه ختم التصديقات
ملحوظة المواعيد مغلقة الحين لبعد الاجازة
مده السداد ٣ ساعات فقط بعد حجز الموعد
لا يسمح بدخول الجوال لذلك ينصح بكتابة رقم التصديق فى ورقة قبل دخول الفرع

Ashraf Fouad يقول... [Reply] , [رد]

@shady aboushaara

شكرا جزيلا لمجهودك، تم تحديث البوست.

Unknown يقول... [Reply] , [رد]

السلام عليكم ممكن سؤال عندي ثلاث بنات كانوا بيدرسوا بمجارس سعوديه ولظروف سحبت ملفاتن من المدرسه وسجلتن بمجموعة مصرية وحابه ارجعن هي السنه لمدرسة سعوديه حكومي شو طريقة التسجيل وشو المطلوب

Ashraf Fouad يقول... [Reply] , [رد]

@Unknown

اعتقد ادارة التعليم السعودي هيا اللي ممكن ترشدك للخطوات.

Ahmed amin يقول... [Reply] , [رد]

هل اختبار تحديد المستوى مطلوب فى جميع المراحل ام فى الاعدادية فقط

Ashraf Fouad يقول... [Reply] , [رد]

@Ahmed amin

فى جميع المراحل ما دام الطالب اكبر من 3 ابتدائي