2013-07-14

دليل اجراءات تأمينات المصريين العاملين بالخارج

تم اخر تعديل للبوست 26-سبتمبر-2023


الاجراءات عامة لكل المصريين العاملين بالخارج و ليس مقصورا على العاملين فى السعودية:

 البعض لا يهتم للتأمينات و يعتبرها مضيعة للنقود و لا تؤتى ثمارها و البعض يهتم بها و البعض الاخر يدخر  فى برامج بنكية اخرى، عموما هى وسيلة للتأمين و ادخال عملة صعبة للبلد و رأيي الشخصى انها غير مكلفة خصوصا بعد التعديلات التى اجريت فى اكتوبر 2012.

المكان : 3 ش الالفى فى منطقة وسط القاهرة بالقرب من البنك المركزى للأسف مكاتب التأمين فى المحافظات لا توفر هذه الخدمة و يجب الذهاب الى الفرع الرئيسى (الهيئه العامة للتامينات الاجتماعية) فى القاهرة. يوجد فرع لبنك مصر داخل التأمينات للدفع بالعملة الصعبة.
الاحداثيات: long=30.053703, lat=31.245846 ، الموقع على خرائط جوجل هنا.
الموقع الالكترونى http://nosi.gov.eg
ارقام التليفونات: مركز خدمة العملاء بالهيئة القومية للتأمين الاجتماعي رقم مختصر 16217 تليفون الفرع 0020225921661

الجدول المرفق يوضح شرائح التأمين بالجنيه المصرى طبقا الى الدخل الشهري بواقع نسبة 22.5% و لكن الدفع يكون بعملة اجنبية قابلة للتحويل كالدولار و اليورو و الريال السعودى ... الخ

الدخل الشهرى (جم) اشتراك التأمينات الشهري (جم)
1700 357
1800 378
1900 399
2000 420
2100 441
2300 483
2600 546
3000 630
3500 735
4000 840
4500 945
5000 1050
5550 1155
6000 1260
6500 1365
7000 1470
8100 1701
9400 1974
10900 2289
ملحوظة: الجدول بأعلى بتاريخ 1 يناير 2023
سيتم إضافة شريحة جديدة فى شهر يناير من كل عام بقيمة الزيادة في الحد الاقصى لأجر الاشتراك و يجبر كسر المائة جنيه ، وتلغى تباعا فئات دخل الاشتراك التي تقل عن الحد الادنى لأجر الاشتراك التأميني وفقا لأحكام القانون.

مثال تطبيقى:

  • لنفرض انك موجود بالخارج منذ 3 سنوات و تريد التأمين و وجدت ان انسب شريحة هى بالدخل الشهرى 1000 جم
  • يكون حساب المطلوب منك = 225 (قيمة التأمين الشهرى للفئة 1000جم) * 12 (عدد الشهور فى السنة) * 3 (عدد السنين) = 225 * 12 * 3 = 8100 جم يتم دفعهم بما يقابلهم من أى عملة صعبة (دولار ، يورو، ريال سعودى، درهم اماراتى، ...)

المطلوب:
  • جواز السفر و نسخة منه مع صورة اول تأشيرة كإثبات بداية مدة التأمين.
  • صورة من اخر تأشيرة خروج و عودة.
  • صورة من الرقم القومى.
  • أصل شهادة الميلاد.
  • صورة شخصية.
  • تذكرة طيران عودة للبلد الذى تعمل بيه.
  • كشف طبى لائق بمستشفى المنيرة السيدة زينب.
  • ملئ نموذج اشتراك (مجانا) الموجود فى آخر الكتيب الموضح للمعاملات، موجود فى مكتب التأمين، اذا اردت الاطلاع عليه متوفر فى الموقع الالكترونى للهيئة فى قسم النماذج هنا.
  • قيمة التأمين المطلوبة (التأمين بالجنيه المصرى x عدد الأشهر اثناء السفر) و 5 دولار عمولة لبنك مصر المحصل للعمولة.

ملاحظات هامة:
  • ساعات العمل من 8 صباحا الى 1 ظهرا  ﻷن فرع بنك مصر الموجود فى المعاشات يغلق فى هذا الوقت.
  • المشترك يختار اى شريحة يود الاشتراك فيها و ليست مرتبطة بعقد العمل و لا يطلب الاطلاع علي عقد العمل فى التأمينات.
  • يمكن ضم فترات التأمين السابقة الى تأمين العاملين بالخارج.
  • يتم عمل خصم فى حالة دفع دفعات سابقة و عمر المؤمن عليه اقل من 40 سنة، قيمة الخصم تزيد كلما قل عمر المؤمن عليه.
  • يمكن دفع تأمينات سنة أو ستة أشهر أو ثلاث أشهر مقدما.
  • بعد الدفع سوف يكون لك رقم تأمينى خاص بالتأمينات و المعاشات للعاملين بالخارج، يرجى الاحتفاظ بهذا الرقم الهام أو صورة من اشتراك التأمين للرجوع له عند دفع كل سنة أو عند الاحتياج اليه.
  • الاخوة فى خدمة الهاتف اﻵلى متعاونون الى اقصى حد و لذلك انصح بالاتصال قبل الذهاب الى الفرع للاجابة عن أى استفسار و خصوصا للقادمين من محافظات اخرى.
  • مكان التأمينات فى منطقة حيوية و يوجد الكثير من افرع البنوك بجانبها، فنصيحة للقادمين من المحافظات الاستفسار عن اقرب فرع للبنك بدلاً من حمل الاموال فى المواصلات و سحب النقود بعد تقديرها من قبل موظف التأمين.
أتمنى أن يكون الموضوع مفيد لأخوانى المصريين.

هناك 69 تعليقًا:

Unknown يقول... [Reply] , [رد]

الموضوع مفيد جدا وتشكر عليه أستاذ اشرف

Ashraf Fouad يقول... [Reply] , [رد]

@AL Mahdi Hafni
شكرا

tantawey يقول... [Reply] , [رد]

موضوع مهم جدا وكان نفسى من زمان اعرف تفاصيله
بس انا مش فاهم حاجه من الجدول ممكن تفاصيل اكتر لو سمحت
يعنى المبلغ المكتوب فى الخانه التانيه ده المبلغ المطلوب منى كل شهر ولا كل سنه ؟

Ashraf Fouad يقول... [Reply] , [رد]

@tantawey

أضفت الى البوست مثال تطبيقى أسفل الجدول يوضح أكثر أتمنى أن يكون واضح

Unknown يقول... [Reply] , [رد]

طيب انا راتبي بالخارج مثلا 4000 ريال هل يتم تحويل مبلغ الراتب الي الجنية ليصبح 8000 جنية ثم اضرب في النسبة 22.5% ويكون هو دة المبلغ المفروض ادفعة.

smilad يقول... [Reply] , [رد]

أنا عمري 54 سنة هل يمكنني الأشتراك؟

Ashraf Fouad يقول... [Reply] , [رد]

@smilad
معنديش معلومة، اسف

أنين الوطن يقول... [Reply] , [رد]

معلش ياأستاذ أشرف المثال التطبيقى واضح جدا بس انا مش عارف ايه الفايدة اللى هتعود على من موضوع التأمين ده. . ياريت توضيح اذا تكرمت. .وشكرا
طلعت

Ashraf Fouad يقول... [Reply] , [رد]

@أنين الوطن

الموضوع للناس اللى عايزة يبقى ليها تأمين / معاش لما تكبر فى السن او تصاب بعجز لا قدر الله

Unknown يقول... [Reply] , [رد]

كنت عايز اضيف الي انت ممكن تشترك عن طريق السفارة لو انت برة مصر
هتاخد صورة من صفحة واحد و اتنين
و صورة من التاشيرة
و صورة من الاقامة
و صورة شهادة الميلاد
هتوثق صفحة واحد و اتنين و التاشيرة
بس اهم حاجة يكون معاك الكتيب بتاع التامين
لانه مش موجود في السفارة فتخلي حد يجبهولك من مصر زي ما عملت
هتلاقي في الكتيب اخر ورقة استمارة تملها و توثقها بردو من السفارة
تجمع صفحة واحد واتنين و صورة التاشيرة و صورة الاقامة و صورة شهادة الميلاد و تبعتهم بريد من عندك علي ٣ شارع الافلي العتبة مكتب تامينات العاملين بالخارج
و هما هيردو عاليك
حاجة مهمة الورق دا لو بعته لحد عامله توكيل عالشان يخلصهولك
هيرفضو لاما تقدم بنفسك او تبعت بريد
بالتوفيق

Unknown يقول... [Reply] , [رد]

ممكن أعرف ازاى بيتحسب المعاش بعد بلوغ السن بالنسبة لأى شريحة؟ هل فيه صيغة معينة ولا ازاى بتتحسب؟

eg-igo-igo.org يقول... [Reply] , [رد]

هذا شي عظيم بالنسبة لكل العاملين بالخارج ونصيحتي لكل العاملين بالخارج ان يشتركوا في هذا التأمين فهو خير لهم ولذريتهم

eg-igo-igo.org يقول... [Reply] , [رد]

ان التأمين هو ضمان لحقوق عديدة ومستقبل آمن وليست أموال ضائعة كما يُزعم عديمي الثقافة وإنما هذا شئ جميل ويضمن الامان للمؤمن ولورثته فهلموا آلية جميع العاملين بالخارج فهو أمان لكم في مستقبل آمن ولكم تحياتي السيناتور السفير محمود هريدي

medo4misr يقول... [Reply] , [رد]

عايز استفسر انا لي 7 سنوات تأمين بالقطاع الخاص في مصر وسافرت منذ 5 سنوات للسعوديه وحتى الان هل يمكنني ضم الفترتين بعد شراء مدة الخارج وهل لازم تكون على نفس الشريحة السابقة اللي كنت مأمن عليا فيها وما الميزة في اختيار شريحة عاليه هل هو زيادة في معاش المستقبل ارجوا الافادة ولكم جزيل الشكر

Ashraf Fouad يقول... [Reply] , [رد]

@medo4misr

يمكنك ضم الفترتين، اعطى لهم بياناتك السابقة و سيقوموا باللازم

الاشتراك فى اى شريحة و ليس لها اى علاقة بتأمينك فى مصر.

الشريحة الأعلى زيادة المعاش، بعد اختيار الشريحة للمرة الأولى لن يتسنى لك تغيرها الا كل عام بالرفع الى الشريحة التالية فقط و اذا اردت التغيير الى شريحة اكبر فى المستقبل يجب ان تدفع مجموع الفروقات للسنين الماضية.

Unknown يقول... [Reply] , [رد]

أستاذ أشرف هل ممكن زوجي يستخرج تأشيرة زيارة لحفيدتي
زوجي مقيم ويشغل في شركة
وشكرا

Ashraf Fouad يقول... [Reply] , [رد]

@حياة أحمد

بصراحة لا ادرى

انصح انه يستشير معقب او الموارد البشرية فى شركته.

Unknown يقول... [Reply] , [رد]

جهد مشكور، والسؤال:
1- هل إذا انتهت رحلة سفري واستقريت في البلاد ما مصير السنوات التي قد دفعت تأمينها؟
2- هل يجوز لي استردادها؟
3- وما هو السن الذي استحق صرف المعاش بعده هل هو سن 60 أم عدد سنوات تأمينية معينة مثلاً 20 عام؟

ولكم وافر الشكر ...،

Saleh mohamed saleh يقول... [Reply] , [رد]

طيب لو راتبي 2000 ريال ما يعادل 4000 هاخد معاش كام ولازم ادفع كام سنة اشتراك عشان اخد المعاش

Unknown يقول... [Reply] , [رد]

السلام عليكم

Unknown يقول... [Reply] , [رد]

انا زوجى عاملى زيارة ودخلت اطلع عليها
بعد 3 اسابيع
كاتبولى ':نأمل في مراجعه الوزارة بالمدينه واحضار اصل الطلب واصل الاقامه وصورة الاقامه وهذا لا يعنى القبول ع التاشيرة
فما معنى الكلام دة
ولو معناه انهم هيتاكدو بعد ما يتاكدو ممكن التاشيرة تطلع بعد كام يوم
وشكرا لزوق حضرتك

Ashraf Fouad يقول... [Reply] , [رد]

@Hany Hashem

يجب على زوجك التوجه الى وزارة الخارجية بالأوراق المطلوبة للتأكد من بعض الحالات قبل اصدار التأشيرة.

الرجا مراجعة البوست
http://ksa-experience.blogspot.com/2013/12/blog-post.html

النقطة 11 ج للمعلومات أكثر

Unknown يقول... [Reply] , [رد]

لو سمحت كنت عاوز أرفع الشريحه بتاعتي من 1000 إلى أعلى شريحه ايه المطلوب في الحاله دي

Ashraf Fouad يقول... [Reply] , [رد]

@Mahmoud Mohammed
لما تنزل ان شاء الله فى اول اجازتك قدم على طلب، مش عارف بياخد وقت اد ايه لما يتوافق تترفع الشريحة

Unknown يقول... [Reply] , [رد]

السلام عليكم انا عاوز اشتري المدة اللي اشتغلتها في السعودية وهي 10 سنوات انا الان موجود بمصر ينفع الواحد يشتري المدة دية علشان اعمل ضم مدة انا سني 37 سنة وشكرا لحضرتك

Ashraf Fouad يقول... [Reply] , [رد]

@تحيا مصر

طبعا المهم يكون عندك رقم تأمينى قبل مغادرتك لمصر الموجود فى استمارة 6

د. أحمد عثمان يقول... [Reply] , [رد]

جزاك الله كل خير على هذه المعلومات القيمة

Unknown يقول... [Reply] , [رد]

السلام عليكم
أنا كنت شغال فى مصر ومأمن علي نفسي وجيت السعوديه من 3 شهور تقريبا وتأميناتي وقفت أعمل ايه ابعت توكيل لحد في مصر يشتركلي ولا ممكن لما انزل مصر انا اعملها أيهما أفضل بدون مايضيع عليا شهور
مع الشكر

Ashraf Fouad يقول... [Reply] , [رد]

@Unknown

ما توجعش دماغك و لما تنزل اجازة اشترى المدة و ادفع سنة و لا سنتين مقدم

Unknown يقول... [Reply] , [رد]

السلام عليكم .. انا عندى ٢٣ سنة و بقالى سنة و نص ف شركة بسكو مصر ..و عاوز اسافر ..ياريت حد ينصحنى بالافضل

Unknown يقول... [Reply] , [رد]

السلام عليكم
انا كنت اعمل فى مصر ولى مدة تامينات سابقة برقن تامينى اعرفة
هل يمكن الاشتراك لاستكمال مدد التامين و انا موجود بالخارج
او ممكن اعمل توكيل لاحد المحامين لاستكمال هذة اللجراءات
و لكم جزيل الشكر.

Unknown يقول... [Reply] , [رد]

لو سمحت انا عايز الغي التامين بتاعي وعايز امن في مكان تاني نقابة تانية لازم الفي بنفسي وهاخد الفلوس اللي دفعتها ولا هتضاف علي مكان التامين الجديد ارجو الافاده

Unknown يقول... [Reply] , [رد]

انا لا زلت مسافر وعايز ابعت حد يلغي ويامنلي هينفع ولا محتتج توكيل

Ashraf Fouad يقول... [Reply] , [رد]

@Malek Osama

لا أدرى الاجراءات لذلك

Ashraf Fouad يقول... [Reply] , [رد]

@Khaled Ramzy

بصراحة مش عارف الاجراءات ايه من الخارج ممكن تسأل فى قنصلية مصر عندك

Unknown يقول... [Reply] , [رد]

فترة التأمين مدتها كام سنة ولو انا سويت معاش هتتلغي الرخصةبتاعتي الرجاء الرد

Unknown يقول... [Reply] , [رد]

فترة التأمين مدتها كام سنة ولو انا سويت معاش هتتلغي الرخصةبتاعتي الرجاء الرد

Ashraf Fouad يقول... [Reply] , [رد]

@Ahmed Morad
انت بتدفع تأمين بالسنة و ممكن تدفع التأمين مقدم كذا سنة

Unknown يقول... [Reply] , [رد]

ممكن اعرف عدد سنوات التامين التي استحق من خلالها معاش

Ashraf Fouad يقول... [Reply] , [رد]

@أبو يوسف

اعتقد 15 سنة

Unknown يقول... [Reply] , [رد]
أزال المؤلف هذا التعليق.
Unknown يقول... [Reply] , [رد]
أزال المؤلف هذا التعليق.
Unknown يقول... [Reply] , [رد]

لو سمحت استاذ اشرف .انا مسافر من 2004وعايز اشترك في تأمين العاملين بالخارج
هلا تنفع الفتره دي اامن عليها اما لا ؟
وانا اول مره اامن. ولا يوجد معي رقم تاميني من قبل؟
وشكراً اخ اشرف.؟

Ashraf Fouad يقول... [Reply] , [رد]

@attia Sabe

ينفع ، التفاصيل فى البوست بالاوراق المطلوبة

Unknown يقول... [Reply] , [رد]

السلام عليكم ورحمة الله وبركاته من فضلك أنا مسافر من سنة 1994وعمرى حاليا ٥١ سنة هل من الممكن التأمين لهذا العمر مع الشكر

Ashraf Fouad يقول... [Reply] , [رد]

@أحمد عبدالقادر سعيد

اعتقد ينفع و من ساعة ما سافرت

Unknown يقول... [Reply] , [رد]

استاذ اشرف انا عندى رقم تامينى فى مصر ودافع ليا حوالى 20سنة وحاليا مسافر خارج مصر من 2001ممكن أضم العشرين سنة لو عملت تأمين العاملين فى الخارج

Unknown يقول... [Reply] , [رد]

استاذ اشرف انا عندى رقم تامينى فى مصر ودافع ليا حوالى 20سنة وحاليا مسافر خارج مصر من 2001ممكن أضم العشرين سنة لو عملت تأمين العاملين فى الخارج

Ashraf Fouad يقول... [Reply] , [رد]

@Unknown

طبعا

Unknown يقول... [Reply] , [رد]

السلام عليكم انا كنت موظف لمدة سنتين فى المقاولون العرب وسبت الشركة من 7 سنين وحاليا فى السعودية والمقاولون العرب صندوق تأمينات خاص فكيف العمل لضم مدة المقاولين العرب وشراء مدة السعودية

Egyptian English zoom يقول... [Reply] , [رد]

استاذي العزيز
انا مسافر لي أربعة سنوات والحمد لله ادفع تاميناتي بانتظام وكنت على درجة معلم أول أ عندما سافرت
أريد تكرما منك معرفة كم بالتقريب المبلغ المطلوب هذا العام

Egyptian English zoom يقول... [Reply] , [رد]

استاذي العزيز
انا مسافر لي أربعة سنوات والحمد لله ادفع تاميناتي بانتظام وكنت على درجة معلم أول أ عندما سافرت
أريد تكرما منك معرفة كم بالتقريب المبلغ المطلوب هذا العام

Ashraf Fouad يقول... [Reply] , [رد]

@Muhammad Ali

المبلغ لا يتغير الا اذا غيرت شريحة التأمين الخاصة بك و للعلم ممكن تطلب ان ترفع شريحة التأمين الخاصة بك كل سنة و لكن للشريحة الأعلى مباشرة فقط

Mohamed Saiied يقول... [Reply] , [رد]

موظف يقول ادفع شهر مقدم وآخر يقول سنه وآخر يقول 3 أشهر ...وضم المده السابقه حسب التساهيل

Unknown يقول... [Reply] , [رد]

@Ashraf Fouad استاذ اشرف انا مسافر من ٢٠١٠ ونزلت نهائى ومليش رقم تامينى فى مصر هل ممكن اشترى الفترة دى علما أن انا ليس لدى رقم تامين وليس مامن عليه ارجو الرد من حضرتك للأهمية

Ashraf Fouad يقول... [Reply] , [رد]

لا ادرى، اقترح عليك تكلمهم على التليفون و بلغهم بالحالة و هم يقولولك الصرف ازاي.

Ashraf Fouad يقول... [Reply] , [رد]

@mohamed Ismail
أنا دايما بدفع مقدم سنة

Unknown يقول... [Reply] , [رد]

جهد مشكور، والسؤال:
1- هل إذا انتهت رحلة سفري واستقريت في البلاد ما مصير السنوات التي قد دفعت تأمينها؟
2- هل يجوز لي استردادها؟
3- وما هو السن الذي استحق صرف المعاش بعده هل هو سن 60 أم عدد سنوات تأمينية معينة مثلاً 20 عام؟

Unknown يقول... [Reply] , [رد]

جهد مشكور، والسؤال:
1- هل إذا انتهت رحلة سفري واستقريت في البلاد ما مصير السنوات التي قد دفعت تأمينها؟
2- هل يجوز لي استردادها؟
3- وما هو السن الذي استحق صرف المعاش بعده هل هو سن 60 أم عدد سنوات تأمينية معينة مثلاً 20 عام؟

Unknown يقول... [Reply] , [رد]

موضوع جميل ... استفساري هل يتم ذلك قبل مغادرة البلاد للعمل بالخارج ام بعد العودة في اجازة ام بعد العودة النهائية وما هي الاوراق المطلوبة لضم فترتي التأمينية في مصر علي فترتي التامينية بالخارج

Ashraf Fouad يقول... [Reply] , [رد]

@Ahmed Hafez

انا عملته فى اثناء الاجازة مش عارف اذا كان قبل المغادرة ينفع و لا لأ

سألت الاسبوع اللى فات على ضم الفترتين، ردوا ان ده بيتم وقت استحقاق المعاش او رجوعك من الخارج و ليس اثناء السفر.

Ashraf Fouad يقول... [Reply] , [رد]

@Yahiya Kamel

اللى انا اعرفه مفيش حاجة اسمها استرداد اللى انا اعرفه انها تنضم الى فترة تأمينك فى مصر.

الاستحقاق مكتوب فى الكتيب الخاص بالتأمين عند الاشتراك لمدة 15 سنة بما فيها السنوات المضمومة سابقا و فيه حالات تانية مثل العجز الجزئى او الكلى او المعاش المبكر (للتفاصيل - الكتيب).

Unknown يقول... [Reply] , [رد]

شكرا جزيلا استاذ اشرف للمعلومات القيمه بجد كنت محتاج اعرف

Unknown يقول... [Reply] , [رد]

استاذ أشرف بالنسبه لاضافه المده السابقه هل مطلوب جواب موثق من السفاره اني شغال الفتره في السعوديه ولا لازم اعمل الإجراءات من مصر ولو ينفع من الجواب من السفاره ايه الصيغه بالظبط

Ashraf Fouad يقول... [Reply] , [رد]

@Unknown

الجواب غير مطلوب، المطلوب فقط كما هو مبين فى البوست "نسخة منه مع صورة اول تأشيرة كإثبات بداية مدة التأمين"

maryam mena يقول... [Reply] , [رد]

انا ساقط منة 7 سنوات تامينات وهى 2005الى 2012 وكن مسافر خارج مصر فى الفترة دى وللاسف ليست عندى التاشيرة هل ممكن استخرج سهادة تحركات من الجوزات لتبين المدة التى كنت بها خارج مصر ومنها ممكن اشترى هدة المدة وتكون مدة فعلية حيث انتى كنت مامن من قبل المدة ومن بعد المدة حتى الان

Ashraf Fouad يقول... [Reply] , [رد]

@maryam mena

انا مش عارف الاجراء ايه بالظبط و لكن اقتراحي سؤال مركز خدمة العملاء بالهيئة القومية للتأمين الاجتماعي رقم مختصر 16217

Basem يقول... [Reply] , [رد]

لتجديد المقالة وللنفع
لا يوجد دفع لمدد سابقة بدون اشتراك
فى فرع لبنك مصر داخل التأمينات للدفع بالعملة الصعبة
لعمل اشتراك جديد بتأمينات العاملين فى الخارج
كشف طبى لائق بمستشفى المنيرة السيدة زينب
تذكرة طيران عودة للبلد الذى تعمل بيه
صورة جواز السفر
صورة الخروج و العودة
شهادة ميلاد اصل
صورة شخصية


Ashraf Fouad يقول... [Reply] , [رد]

@Basem

شكرا باسم تم تحديث البوست